兩個超級奇案迷🕵🏻♀️🕵🏻♀️ 表面正正常常女仔 但實際沉迷古今中外古靈精怪奇案奇事🤫 希望同大家一齊探討故事主角「犯」後一面 了解人性黑暗面💀 Let’s CHECK & CHAT 🧠💬 Instagram: crimecheckchat 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
12 min
今集係10月28號同10月30號兩場庭審內容嘅濃縮精華，相繼直擊兩大庭審關鍵：10月28號，辯方律師與證物警員就「現場證物有否受到污染」展開激烈程序交鋒，雙方就廚房湯煲同鎚仔展開法證攻防；去到10月30日續審，法庭驚現重大答辯進展，而控方亦喺庭上曝光橫跨六日嘅閉路電視片段，父子由合作購買切骨機、買索帶、繩索到車輛調配軌跡等全數現形。法證嚴謹程序對決環環相扣的時間線，到底跟住落嚟嘅審訊，會如何左右最終判決呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
20 min
2023年震驚全港嘅蔡天鳳案終於開審，法庭預計審訊45日，由於案件轟動，法庭預計需要大量公眾席，所以特別開設延伸庭審理案件。犯後Channel為咗親身見證呢單世紀大案，所以10月15日去咗高等法院延伸庭旁聽。當日證人係譚方駿，主要時間都係辯方律師對證人嘅盤問，當中揭示嘅真相，可以話比起大家喺媒體睇到嘅更加錯綜複雜。由於案件尚在審理當中，所以今集我哋唔會討論案情，只會將平常聽到嘅內容做個記錄，同埋同大家分享吓旁聽同埋延伸庭嘅親身體驗！如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
47 min
講起濟州島，大部分人都會聯想到風景如畫、美不勝收嘅度假天堂，但近排網上有傳聞話呢度三年內有成三千人失蹤！唔查由自可，一查就挖出警界嘅驚天醜聞！37歲嘅張美蘭突然人間蒸發，最後搵返時已經變成冰冷屍體。背後到底有咩驚悚真相？最初嘅一單失蹤案，係點樣演變成屍體發現案，仲牽涉警察呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
12 min
今集係10月28號同10月30號兩場庭審內容嘅濃縮精華，相繼直擊兩大庭審關鍵：10月28號，辯方律師與證物警員就「現場證物有否受到污染」展開激烈程序交鋒，雙方就廚房湯煲同鎚仔展開法證攻防；去到10月30日續審，法庭驚現重大答辯進展，而控方亦喺庭上曝光橫跨六日嘅閉路電視片段，父子由合作購買切骨機、買索帶、繩索到車輛調配軌跡等全數現形。法證嚴謹程序對決環環相扣的時間線，到底跟住落嚟嘅審訊，會如何左右最終判決呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
20 min
2023年震驚全港嘅蔡天鳳案終於開審，法庭預計審訊45日，由於案件轟動，法庭預計需要大量公眾席，所以特別開設延伸庭審理案件。犯後Channel為咗親身見證呢單世紀大案，所以10月15日去咗高等法院延伸庭旁聽。當日證人係譚方駿，主要時間都係辯方律師對證人嘅盤問，當中揭示嘅真相，可以話比起大家喺媒體睇到嘅更加錯綜複雜。由於案件尚在審理當中，所以今集我哋唔會討論案情，只會將平常聽到嘅內容做個記錄，同埋同大家分享吓旁聽同埋延伸庭嘅親身體驗！如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
47 min
講起濟州島，大部分人都會聯想到風景如畫、美不勝收嘅度假天堂，但近排網上有傳聞話呢度三年內有成三千人失蹤！唔查由自可，一查就挖出警界嘅驚天醜聞！37歲嘅張美蘭突然人間蒸發，最後搵返時已經變成冰冷屍體。背後到底有咩驚悚真相？最初嘅一單失蹤案，係點樣演變成屍體發現案，仲牽涉警察呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
40 min
唔好意思🥹 今集錄音支咪出左問題，案件部分有時會有雜音，希望大家多多包涵！你驚唔驚寂寞？為咗唔好俾鍾意嘅人離開，你又可以去到幾盡？喺 1978 到 1991 年間，美國出現咗一個表面上好文靜內向嘅男人，叫 Jeffrey Dahmer。但點都估唔到，喺佢冷靜嘅外表背後，竟然隱藏住美國史上最變態嘅瘋狂。喺呢 13 年 入面，佢連續誘騙咗 17 名生還者 返屋企，跟住下藥、殺害，甚至打開佢哋嘅腦袋，同埋食人。佢仲好幾次同差人擦身而過，甚至有受害者成功逃跑報警，但竟然俾警察親自送返入呢個「人間煉獄」⋯⋯到底係點樣嘅扭曲心理，令佢變成震驚全球嘅食人魔」？今日我哋一齊打開 Jeffrey Dahmer 嗰個充滿血腥味嘅 213 號公寓，睇吓呢個連 Netflix 都改編過、最令人毛骨悚然嘅真實案件⋯⋯如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
41 min
今集講吓一單遠少少嘅案件～2013年，一個20歲嘅澳洲女仔Renae 墜入愛河，同心愛嘅網戀男友Brayden約定終身。不過呢個男仔嘅背景有啲特別，Renae一直以來都未見過呢個「男朋友」一面。甚至乎到佢離開世界嗰一日，佢都唔知道，嗰個同佢熱戀18個月、傳過上萬條甜蜜短訊嘅「完美情人」，背後收埋嘅真相，原來係一個令人不寒而慄嘅驚天大話。更令人絕望嘅係，呢個一手造成Renae死亡嘅兇手，法律竟然無法起訴？呢場包裹喺愛情裡嘅致命操縱，係點樣逼死一條無辜生命，進而推動改變澳洲法律呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
49 min
犯後channel大突破！開台兩年嚟個大轉型！希望可以堅持到🤣咁特別嘅一集，就先講一單南韓嘅閏密case吧！2003年首爾鬧區，一對母子三人被發現慘死喺反鎖嘅屋企入面，現場毫無外人闖入痕跡，看似係一單絕望嘅母親攜子自殺案。但係，警方喺現場搵到一個俾死者緊握嘅神秘紙片，徹底翻轉偵辦方向！究竟係點樣嘅嫉妒與執念，會令兇手設下如此縝密嘅殺人機關？完美密室嘅背後，又同「閏密」有咩關係，同埋隱藏住點樣嘅人性扭曲呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
32 min
(想直接聽案情嘅可以跳去05:17) 邪教系列最後一集！講邪教真係唔可以唔講呢一個！呢個聲稱自己睇過聖經兩千次嘅「救世主」，專門針對高學歷大學生同專業人士，利用看似完美嘅群體生活，慢慢蠶食信徒嘅批判思考，將集體盲從變成「信仰虔誠」。「神嘅旨意」高於一切，但背後隱藏嘅卻係精神控制、壓榨以及駭人聽聞嘅性侵醜聞。究竟呢個組織係點樣在眾目睽睽之下建立起「洗腦帝國」？當初追求真理嘅精英，又係點樣在不知不覺間成為了受害者與共犯？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
37 min
（想直接聽案情可跳到05:00）邪教系列第四集！今集延續前幾集嘅疑問：邪教如何由「信念」一步步變成災難？今集講嘅奧姆真理教，係點樣以「遠大志向」包裝極端思想，甚至用個人背景去強化召喚力。更令人心寒嘅，唔係只有邊緣人物追隨，仲有大量具專業人士被吸入同一套迷思，最後竟然策動出難以磨滅嘅暴行——東京地鐵沙林毒氣事件。當世界瞬息萬變、我們心靈空虛，究竟係邊個提供咗「答案」，又係邊個將人心推向深淵？案件犯後亦隨即迎來大變革，但代價背後，仍然令人反思人性同責任。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
26 min
有啲邪教恐怖在於暴力，但有啲恐怖，係因為佢用溫柔、用希望，慢慢將你推向佢想要你去嘅方向——你以為你係自願入局，其實你已經被一步步引導。 今集講嘅台灣五教共主徐少龍，佢似乎唔單止係「教主」，仲要係一個可以用歌聲醫百病嘅存在，而佢創立嘅「仙女班」，就成為一個收容、訓練，甚至逐漸改寫少女人生嘅場域。成件事聽落好似係神話、奇蹟，但當你知道「信」係點樣被包裝，「相信」又係點樣被要求，「疑問」點解會變成禁忌——你就會明白，呢個故事其實冇咩神秘可言，只係控制同操縱做得太精準。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
30 min
邪教好多時都係令一般人不解，不解點解會有人跟得落。呢集我哋會講一個由理想開始、由神話包裝、最後一路走到絕望盡頭嘅故事：由一位自稱能夠「改變世界」嘅牧師/領袖，逐步建立起無形嘅信任、恐懼同絕對權威；再用某種近乎洗腦式嘅敘事，把信徒推入一個「唯一正確」嘅結局。 當你聽到最後嗰一步，可能你會忍唔住問：人真係會因為一句說話、一個信念、甚至一套「被告知係真理」嘅框架，就自願走去死亡？面對邪教式權力，我哋又應該點樣理解人性呢？如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
38 min
(想直接聽案情嘅可以跳去08:30...對的今集chit chat較多～) 八十年代嘅南韓曾經出現過一個中年女子，佢自稱有罕見癌症，但不藥而癒，因此吸引咗一批相信佢就係「神」嘅追隨者。後來佢仲開咗一間叫「五大洋」嘅公司，呢間公司表面業務非常成功，仲曾經得獎，但喺裡面工作嘅人都有一堆匪夷所思嘅規矩要遵守，甚至乎要貼錢打工。不過，最恐怖嘅係，呢個女子同佢嘅一班「員工」，最後竟然集體死喺公司嘅天花板上面。。。到底呢個女子係何方神聖呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
32 min
相信大家可能都有去朋友屋企借宿嘅經驗，去得過夜正路應該都係信得過嘅朋友。有邊個會諗到，去朋友屋企借宿，會一去不返？呢單發生喺美國華盛頓特區嘅奇案，案中主角仲要係一個律師，佢去朋友屋企過夜後，第二日竟然離奇死亡，佢嘅「朋友」嘅口供更加係千奇百怪，到底嗰一晚，佢哋發生咗咩事呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
23 min
(想直接聽案情可跳到4:45) 我哋返嚟啦～～！馬年第一講來了！犯後仝人（兩條友）先祝大家馬年行大運，心想事成，馬上開心！ 大家有冇試過出街前留低張紙仔俾屋企人，然後就出街呢？睇電影時見過好多呢類情節，多數離家出走嘅人好似都會咁做。今集嘅主角都一樣，當年留低咗張紙俾屋企人話要出外打工之後，就冇再返過去，後來仲音訊全無，人間蒸發咗一樣。七年後嘅某一日，喺一個離呢個女仔屋企好遠嘅地方，有人報警話俾人偷咗電話，警察搵到嫌疑人之後就上門搵佢，估唔到竟然意外搵返失蹤咗七年嘅主角...... 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
47 min
因為已經一段時間之前錄，傾計內容可能唔太update，想直接聽case可跳到3:34 (當然錄都錄了，都想大家聽埋啦😛)剛剛踏入2026年，首先祝大家新年快樂！新一年最重要平平安安，身心健康。人越大，越發覺好多嘢唔係必然，而每一次講奇案，都係一個俾我哋好好反省同埋反思嘅機會，去避免悲劇再次發生。2014年4月16日，世越號輪船喺前往濟州島途中沉沒，造成304人遇難，當中大部分係學生。呢件事唔單止揭露咗韓國海事安全上嘅重大漏洞，仲引發咗大家對政府同相關機構應對措施嘅質疑。事件背後嘅真相，以及呢場悲劇點樣令韓國社會對安全同責任嘅思考，開始有所改變，或者我哋大家都需要從中學習。只願新一年，大家安好，就已經足夠。如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！https://buymeacoffee.com/crimecheckchat
29 min
做咗年幾奇案podcast channel，每個星期諗講咩case，有時真係少不免會諗：如果有一日講到冇晒案好講，咁點算呢？正常人可能會諗轉型或者最多唔講，但巴西呢個奇案主持竟然諗到自己「製造」奇案，事後仲即刻搵攝影師去搶先報導，嚟去維持佢個節目嘅人氣。到底最後警方係點樣發現佢自編自導嘅劇本嘅呢？人人都可以做KOL嘅世代，我哋應唔應該去追，又或者應該點樣看待流量呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
22 min
(想直接聽case可以跳到2:30) 上集案件事主因為獨自上門交收而送羊入虎口，雖然大家而家都知道唔應該單獨去陌生人屋企，但事實上，有啲職業的確好難唔係單獨赴會，其中一個職業就係上門補習老師。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
36 min
網絡世界嘅出現雖然的確令我哋嘅生活方便咗好多，但同時陷阱都越來越多。上網買完嘢約人交收，一個唔小心遇到騙案，俾人放飛機、俾人呃錢、貨不對辦……原來呢啲已經係小兒科，有邊個會諗到，約交收會俾人開膛破肚？咁恐怖嘅事，離我哋一啲都唔遠，2008年發生喺上水嘅呢單案，大家仲記唔記得？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
30 min
又嚟到阿Nat最鍾意嘅懸案了～不過今次呢單日本懸案有啲特別，唔係一般搵唔到兇手嘅懸案，而係連單案本身係咩案，咁多年來都仲係未有定論。有人話死者係死後被人棄屍，有人話死者係因為想偷窺而發生意外致死，事隔多年，到今日都仲有好多人嘗試去理解呢一單案件到底係點發生。唔知你又有咩睇法呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
35 min
（想直接聽案件嘅話可以從3:50開始聽） 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat 終於要講呢單案情非常獵奇，而且涉案人士背景同關係非常耐人尋味嘅日本case……呢單案唔單止有齊所有奇案嘅元素：酒店、身首異處、行李箱、虐屍等等，參與案件嘅竟然係一個擁有崇高社會地位嘅家庭，而佢哋之間嘅關係又好複雜，甚至可以話係超出咗常人對「家庭」嘅認知。我哋就一齊嚟聽吓呢單日本奇案啦！
30 min
有句諺語話：黃蜂尾後針，最毒婦人心，呢句說話用嚟形容今集嘅主角 — 木嶋佳苗，應該最適合不過。佢喺一年時間內，用唔同嘅欺詐手法呃咗多位男士龐大嘅金錢之餘，其中幾個中咗佢「美人計」嘅男士，仲被木嶋佳苗狠下毒手，事後仲被刻意佈置成自殺咁樣，誤導警方調查。雖然話係「美人計」，但以一般大眾眼光睇嚟，木嶋佳苗應該可以話係其貌不揚，咁到底點解都會有咁多男士不慎中咗佢嘅迷暈圈套呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
37 min
呢集出街嘅時候，Lily正身在芝加哥，所以一於出返一集芝加哥嘅奇案！ 1987年4月23日，芝加哥警方收到一個叫Ruthie嘅中年婦人報案，好驚咁話有人要喺佢嘅浴室鏡嗰度入嚟，所以向警察求救。雖然警察有去到佢屋企門口，但竟然過門不入，事隔一日再返去嘅時候，就發現Ruthie慘死喺屋入面。到底屋入面發生咗咩事？Ruthie講嘅說話，又到底係佢嘅瘋言瘋語，定真係……? 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
33 min
呢單被日本媒體稱為「20 世紀最後的未解決案件」嘅日本懸案，咁多年來一直係好多人心中嘅大謎團。一單表面上睇落有非常多線索嘅案件，點解會隔咗咁耐，都仍然係懸案？隨住時間嘅流逝，真正嘅線索會徹底消失，定係可以靠日益進步嘅科技而還原返事情嘅真相呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
34 min
想直接聽案情嘅朋友可以跳到7:03 愛你愛到殺死你，戲都有得做，相信現實生活中冇人會想遇到恐怖情人。不過恐怖情人喺變成恐怖情人之前，又係一個點樣嘅人呢？ 今次奇案嘅女主角原本只係一個過住普通正常人生活嘅年輕日本女仔，而且樣子甜美，非常可愛。但係，就喺佢踏入牛郎店嘅嗰一日起，佢嘅生命軌跡從此改變。因為對方嘅幾句甜言蜜語，佢不惜下海，供養對方，為嘅就係一個對方會同自己成家立室嘅夢。可惜夢終究只係夢，就喺佢夢醒嘅一刻，佢嘅世界就崩塌了…… 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
41 min
登登登櫈！！！🎉Happy Birthday to Meeeee！眨吓眼犯後channel成立一周年啦！礙於我哋冇經費派啲咩特別嘅粉絲福利，唯有做一集特備節目，就係回答吓大家嘅提問，當係感謝聽眾們呢一年以來嘅支持啦！感謝大家踴躍提問，我哋先出到呢一集！大家嘅問題都好精彩，如果想知下面呢啲問題嘅回應，就快啲去聽啦！ 最深刻嘅案件係邊單？ 覺得有冇完美嘅犯罪計劃？ 覺得阿Nat（把聲）似唔似胡定欣？ 幾時會出樣？ 做podcast有冇錢收？ And更多…… 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
52 min
今集無論案情定係討論嘅部份都比平時長，因為呢單case當年實在太轟動，直到而家都印象深刻…… 2002年嘅12月，元朗區非常不平靜。短短兩星期入邊，有兩個10歲左右嘅女童喺元朗區失蹤，同時間，元朗白沙村入面再發生一單中年男用石油氣罐挾持自己三個年幼仔女嘅案件。幾單案嘅人物看似冇關係，邊個估到，背後原來係極為恐怖嘅「案中案」？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
24 min
近來工作繁忙，所以遲咗少少🥹希望大家唔好介意🥹🥹 宜家呢個年代，相信大家可能都會有啲特別鐘意嘅YouTubers或者KOLs，不過唔知大家會唔會課金？當然適當咁課金表達支持係好事啦，但唔知大家有冇聽過有人睇直播睇到沉晒船，傾家蕩產咁去「支持」佢哋鐘意嘅主播呢？今集主角就係一個咁嘅case，因為沉迷主播而不惜「打賞」對方幾十萬，甚至將所有感情都寄託喺對方身上，以至於分唔清虛擬世界同現實世界嘅感情，最終埋下殺夫嘅伏線…… 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
24 min
唔知大家有冇睇過一套戲叫《3096驚世拐帶》？當年睇完之後係覺得好震撼，因為真係完全唔敢相信呢套戲係改編自真人真事，3096嘅意思就係當年只得10歲嘅Natasha Kampusch總共被囚禁嘅日數。八年後，Natasha終於成功逃走，但之後發生嘅事比電影情節更誇張，甚至乎疑似有案中案……到底呢八年，Natasha係過住點樣嘅生活呢？Natasha同囚禁佢嘅綁架者之間嘅關係又有幾撲朔迷離？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
29 min
歡迎返到嚟連環殺人犯Ted Bundy嘅下集！未聽上集嘅朋友快啲去聽返先，聽完你就知呢個男人嘅一生可以有幾咁荒謬！ 被形容為「史上最靚仔兼學歷最高」嘅連環殺人犯Ted Bundy，實際開始犯案嘅時間連警方都唔敢確實講，保守估計佢殺害至少廿六人（下集更新：最少三十人），多數為妙齡少女，最細嘅可能得八歲……到底佢係咪經歷過咩，先會變成恐怖連環殺手呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
33 min
今集嘅主角牽涉嘅案件太多，而且案情複雜，所以犯後channel破天荒分上下集，大家記得留意埋下集啦！ 有人話「人不可以貌相」，又有人話「相由心生」，你信邊個呢？如果以今集嘅主角嚟睇，我諗可能就係前者啦。被形容為「史上最靚仔兼學歷最高」嘅連環殺人犯Ted Bundy，實際開始犯案嘅時間連警方都唔敢確實講，保守估計佢殺害至少廿六人，多數為妙齡少女，最細嘅可能得八歲……到底佢係咪經歷過咩，先會變成恐怖連環殺手呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
39 min
想直接聽案件嘅聽眾可跳到03:46開始。 案件發生喺八十年代嘅日本，一個只係得十七歲嘅女高中生，喺一個好普通嘅日子，經過一條平平無奇嘅街道時，就因為不幸遇上同樣都係得十七、八歲嘅年輕人，就經歷咗佢一生中最痛苦、痛苦到平常人完全冇辦法想像嘅事。到底一班禽獸做咗啲咩事，先會迫到一個女仔人生最後嘅願望係想對方殺咗自己？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
27 min
我哋同朋友傾偈講笑可能成日都叫對方「幾十歲人就唔好咁多 幻想」、「唔好ff」。原來ff得多，真係會出事。一個受色情影片影響嘅男人，為咗滿足自己嘅癖好，竟然跟蹤並擄走妙齡少女，強行拖到佢自己嘅「拍攝場地」一逞獸慾。佢嘅犯案地點遍佈全港，行徑惡劣到法官採取咗最嚴厲嘅懲處 — 終身監禁。如果不幸被跟蹤，到底有冇方法可以自救到呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
23 min
今集繼續講犯後精選嘅香港十大奇案系列～呢單又係一單令人心酸嘅case，因為一個情字，白白斷送兩條無辜嘅小生命。2002年7月26號，屯門安定邨一個單位發現兩具面目全非嘅小童屍體，當警方仲喺屋入面搜證嘅時候，兇手就企喺門外......到底佢同兩個小朋友有咩咁大仇口，要對佢哋狠下毒手？佢事後聲稱自己受到「挑釁」，又係咪真㗎呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
20 min
終於返嚟好耐冇講嘅犯後精選香港十大奇案啦～今集案情唔算複雜，但因為兇手犯案後故佈疑陣，而且牽涉五條人命，一度令人以為呢單係同邪教儀式有關嘅集體自殺案。到底當年兇手做咗啲咩，可以令人覺得呢單五屍命案係自殺案？兇手同五名死者又係咩關係？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
35 min
注：其中一名事主名稱為「張夢」，非「張孟」。 為咗愛情，有人可以不顧一切，不惜背負世間所有罵名，甚至連自己尊嚴都可以唔要，只為博卿一笑。但如果對方嘅笑，係對你嘅恥笑，愛嘅反面，係咪必然就係恨？今單發生喺新加坡嘅陪讀家庭命案，正正反映出當一個人愛得太過卑微嘅時候，仇恨嘅種子可能已經開始萌芽，而當心入面已經結成仇恨嘅惡果，即使只係晚飯有冇蟹食咁小嘅事，都足以帶嚟殺身之禍。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
27 min
首先同大家講定先，因為技術問題，大家聽呢集嘅時候可能會聽到少少電流雜音，不便之處敬請見諒～🙏🏻 今集係一單80年代發生喺美國嘅奇案，一對住喺富豪區嘅夫婦被殘殺，案發現場遍佈鮮血，甚至係腦漿。報警嘅係夫婦嘅兩個仔，佢哋喺案發後大肆揮霍，仲做埋生意，一度引起警方嘅高度關注，可惜一路都搵唔到證據證明佢哋同呢單咁殘忍嘅兇殺案有關。直到細仔嘅心理醫生出現，成件案先搵到突破。不過警方得到嘅證據非常具爭議性，幾乎做唔到呈堂證供，點解呢？兩兄弟又為咗乜嘢要對父母下如此毒手呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
32 min
蛇年大吉！首先同各位聽眾拜個年先～祝大家蛇年行大運，飯飯都咁掂啊！ 估唔到我哋嘅聽眾同我哋一樣咁重口味，之前大家喺我哋ig story嘅投票結果睇嚟，大家新蒸頭都百無禁忌，所以特別為大家帶嚟呢一集，一單發生喺農曆年前夕嘅兇案，案情惡劣到當時被湖南警方稱為「2002年湖南第一大案」。兇徒喺過年前犯案，殘忍地將一家大細殺害、甚至性侵。到底係蓄謀已久嘅犯罪，定係一時起意？點解阿Nat斷定兇徒係蠢人呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
33 min
好耐冇講過血腥味重嘅case，而且好耐冇喺討論環節度傾案情啦。今次呢單case唔可以話係懸案，因為兩個涉案人士都承認咗同兇案有關，而且都已經服完刑，放埋監。不過兩個人多年嚟都唔承認自己係落手嘅人，其中一個兇手甚至仲得到時任嘅德國大使同前總統支持。到底係邊個嘅仇恨大到，對一對老夫婦狂斬多刀都唔夠，仲要割喉去到見到氣管嘅地步？係佢哋嘅親生女Elizabeth？定係老竇係外交官、聲稱好愛Elizabeth嘅Jens呢？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
28 min
首先多謝大家支持！上集之後我哋嘅channel終於突破1000訂閱啦！🎉然後恭喜阿Nat終於成功考到車牌！馬路上又多一位好有安全意識嘅司機啦😌 好啦，今集呢單case其實都係同安全意識有關，特別係小朋友嘅聽眾。曾經哄動一時嘅余華英拐賣兒童案，2023年一審判死刑後，余華英提出咗上訴，直到上個月二審結果終於出爐。到底呢個狠心到連自己嘅親生仔都賣嘅拐子婆，咁多年嚟係點拐到咁多小朋友㗎呢？要有幾喪盡天良先做得出拐賣小朋友嘅事？再諗起最近猖獗到一個點嘅詐騙，真係希望世界會多返一點人性。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
23 min
到底要有幾熱愛揸車，先會喺造成咗一單嚴重車禍、揹負住十九條人命嘅情況下，仍然希望法官准佢喺出獄後繼續揸車呢？係意外，定係人為？啱啱踏入新一年，香港以至世界各地都發生咗唔少致命嘅交通意外，希望新一年大家每日都高高興興咁出門，平平安安咁返屋企！ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
30 min
2024年最後一集！想直接聽案情嘅朋友仔可以由02:49開始聽～ 「人無法想像我們想像不到的事情」 — 的確，即使我哋作為奇案迷，喺呢單案被揭發出嚟之前，我哋都完全冇諗過呢個世界上竟然會有咁喪盡天良嘅人……法國一個已經年過七十嘅老人，竟然會落藥迷暈同自己一齊咗五十年嘅老婆，然後喺網上邀約素未謀面嘅男性去侵犯自己老婆，時間長達十年，人數多達幾十人。呢單案發生2020年被揭發，但因為犯案人數眾多，判決喺啱啱過去嘅12月19號先出爐。犯人中唔少都以自己受童年創傷影響，作為抗辯理由，到底童年創傷同陰影對一個人嘅影響可以有幾大？今集我哋都同大家分享一下我哋嘅一啲童年陰影～ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
34 min
今集chit chat比較長，想直接聽案情嘅朋友可以由6:55開始聽～ 人人都做網紅，唔通個個都想做網紅咩？大人會為咗滿足自己嘅慾望而做好多嘢，但小朋友就可能只係好純粹地想滿足父母對自己嘅期望。呢單懸案受害者嘅父母，多年來就一直就因為被質疑令年僅六歲嘅女兒過分曝光，而令佢招致殺身之禍。而家社交媒體咁發達，到底小朋友成長，應唔應該俾佢哋受到太多人嘅關注呢？ P.S. 片頭口誤，媽媽名為Patsy 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
39 min
搭地鐵可能係大部分人每日都會做嘅事，如果有一日，你上咗一架永遠都出唔返嚟嘅列車，你會點？2003年2月18日，本應平平無奇嘅一日，卻因為一個縱火狂徒，令韓國大邱市陷入一片漆黑之中。車廂入面嘅乘客本來有逃生機會，但最後點解去到有人疑似被燒到只剩骨灰嘅地步？到底幾時應該「聽話」，幾時唔應該？作為兩個喺人生事業上唔係好聽話嘅人，希望有聽眾同我哋分享吓你對「聽話」嘅睇法啦！ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
17 min
上集講完照顧bb嘅壓力，今集講一單同照顧老人家壓力有關嘅案件。其實呢類案件應該都唔算奇案，因為香港近年多咗好多類似嘅事件發生，大家都開始關注照顧者壓力問題。生與死本應就係人生最大嘅課題，但偏偏討論，甚至係容許討論嘅空間都好少。我哋相信一個抒發嘅出口，有時可能就係轉念嘅一個契機，多啲關心一下身邊需要照顧老人家或者係長期病患嘅照顧者，可能會少好多憾事。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
21 min
今集係開播以來第一次只係得一個人講案，唔知大家又鐘唔鐘意呢個模式呢？Anyway都希望大家唔使等咁耐呀嘛！ 不過今集案情係比較沉重，因為牽涉到好細個嘅小朋友，所以大家要有少少心理準備先。案件發生喺2008年10月，一個得一歲大嘅BB女被送到醫院急症室時已經昏迷，醫生發現傷勢有可疑，於是報警。幾日後，女嬰傷重不治，庭上都有目擊證人證明女嬰係被養母虐待致死。但係最後法官嘅判決，都頗為出人意料。到底係咩原因，承認誤殺嘅養母，可以避過坐監嘅命運呢？ 希望已為人父母嘅聽眾們，好好對待小朋友，仲有以身作則，因為你就係小朋友嘅一面鏡呀～ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
30 min
今集主要內容來源於法庭已對外公布嘅批准上訴書，公眾已可於網上查閱。如果你係同案件相關嘅人士，請稍移玉步離開，唔好聽啦。 醫生嘅職責本應係救死扶傷，即使係素未謀面嘅陌生人，作為醫生，都會盡全力去拯救，呢個可以話係大家都對醫生嘅認識或者期望。但係，如果專業知識被用喺唔適當嘅地方，呢件事又可以發展成點？ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
39 min
職場欺凌本身已經係好令人髮指嘅事，去到攞埋人哋條命，到底係幾咁禽獸先做得出？台灣芎林就有兩個喪心病狂，恃住自己係受害人嘅上級，唔單止經常打罵佢，甚至乎對佢拳打腳踢，搞出人命後，仲惡劣到將受害人放喺個膠桶入面，浸咗喺鹽酸入面足足兩個月企圖毀屍滅跡。最令人心寒嘅，係佢哋被拘捕之後對警方講嘅一番說話…… 如果大家同我哋一樣，曾經目睹或者經歷過職場欺凌，聽呢集應該會好心酸同感慨。希望各位打工仔都可以有健康嘅身心。 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
41 min
大家都話，幫朋友可以「兩脇插刀」，但如果真係要為朋友擋刀，你又願唔願意？ 2016年，喺日本留學嘅中國留學生江歌，好心收留被前男友不斷滋擾嘅好朋友，結果卻不幸慘死喺自己屋企門前，而最令人絕望嘅係，當時佢嘅好朋友其實就喺屋入面，但直至江歌斷氣，大門一秒都冇為江歌而開過......事後江歌媽媽喺法院起訴呢位好朋友見死不救，到底法律可以點樣審判人性同道德呢？恐怖情人冇人想遇到，今集我哋就同大家講吓點樣從源頭解決！ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
35 min
可能因為人嘅力量太渺小，呢個世界又有太多解決唔到嘅問題，所以有啲人喺遇到自己處理唔到嘅事時，就會求神問卜。如果係純粹想求個心理安慰都無傷大雅，但如果愚昧到將生活一切事物，甚至連屋企人嘅性命，都寄託喺呢樣嘢上面，往往就會引嚟好多別有用心嘅人，金錢損失事小，連累到至親要以自己嘅尊嚴、生命嚟為你嘅無知埋單，真係用一世都補償唔到。 希望各位聽眾都要引此案為鑑，我哋堅信真正嘅信仰唔會要你做超出你能力範圍同常理以外嘅任何事，包括金錢、精神、價值觀等等方面，有任何人對你提出任何奇怪要求前都要停一停！諗一諗！ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
36 min
正義，原來有時唔只會遲到，仲可能會缺席。1994年，一個喺北京清華大學讀緊書嘅女仔，喺佢21歲生日當日，突然覺得好唔舒服，本來以為只係小病，點知原來惡夢喺嗰日先啱啱開始。呢個芳華正茂嘅大學生，喺好短嘅時間內經歷咗極大嘅身心摧殘，唔單只大量脫髮、出疹，之後竟然慢慢演變到四肢失去活動能力，喺呢三十年間，佢飽受嚴重後遺症嘅折磨，最後更鬱鬱而終。最可恨嘅係，原來呢一切，係疑似背後有人因為妒忌心作祟而搞鬼，而呢個人仲係每日都出現喺身邊嘅人……到底有咩深仇大恨，要將一個人折磨到咁嘅地步？而最後呢個人又有冇得到佢應有嘅懲罰？ P.S. Lily把聲仍然好性感，今集要繼續辛苦各位聽眾嘅耳仔啦～ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
34 min
1980年代，香港可以話係遍地黃金，各行各業都好興盛，基本上只要肯做，人人都搵到錢。當時好多香港人甚至希望可以喺暢旺嘅股票市場大賺一筆，又咁啱喺呢個時候，一個當時喺香港響噹噹嘅大型集團宣佈上市，呢個集團個名就叫做「佳寧集團」。但係，有邊個會諗到，呢間規模差不多等於宜家嘅新世界、新鴻基咁大嘅集團，原來只係一個騙局？背後嘅幕後大玩家係咩人嚟？呢單案最離奇嘅地方，就係佢背後牽涉嘅謀殺案，甚至有傳哄動一時嘅伊利莎伯大廈花槽藏雙屍命案都同佳寧案有關，到底係咪真？嚟到今時今日，詐騙仍然係非常猖獗，就連我哋親愛嘅阿Nat都中過招......總之一涉及錢銀嘅嘢，大家一定要小心呀！ Btw，為免悶親一啲鐘意聽外國案件嘅聽眾，下集我哋會講唔係香港嘅奇案！敬請期待！ 如果希望支持我哋嘅，可以喺下面呢條link請我哋飲杯咖啡，等我哋有更多動力同大家繼續check & chat！ https://buymeacoffee.com/crimecheckchat
–
0 ratings from members
Rate this podcast
Log in to rate and review the shows you listen to.
No reviews yet — be the first member to rate "犯後Check Chat".
This podcast, its content and its artwork are not owned by, affiliated with, or endorsed by Castquire.
Keep listening
Up next
