Skip to content
Log in Join free
Samfunnsoppdraget cover art

Helle Selseng & Joakim Systaddal

Samfunnsoppdraget

A Entrepreneurship , Business and Management podcast

#178 in Entrepreneurship · 🇳🇴
Good podcast? Give it some love!

About the show

Samtalar med ulike perspektiv om korleis best å bidra til kommunane sitt samfunnsoppdrag. Ein del av KommunalSektor.no, med Selseng & Systaddal som vertar.

Newest episodes

Erlend Grimeland og Elias Bjørnson Olderbakk - Ei alternativ rute

1 hr 1 min

Erlend Grimeland og Elias Bjørnson Olderbakk meiner kommunen får vite meir når det er like lett å seie meininga si som å vippse. Dei er designarar og starta Travers i 2020, rett etter studia på AHO. I samtalen fortel dei korleis dei arbeider tett på dei det gjeld, og korleis verktøyet Aula voks fram frå masteroppgåva deira. Dei fortel òg om eit byromsprosjekt i Ålesund, der det kom over 300 innspel via QR-kodar og berre 3 prosent var negative. Les artikkelen: https://www.kommunalsektor.no/artiklar/like-lett-som-a-vippse

Bjarte Reve - Frå sjukefråvær til leiing på tvers

38 min

Bjarte Reve meiner sjukefråvær og samarbeid på tvers må inn i den daglege arbeidsmåten i kommunen. Han er kommunedirektør i Hemsedal, ein distriktskommune i vekst med 2 738 innbyggjarar og opp mot 30 000 menneske i bygda ei god vinterhelg. I samtalen fortel han korleis kommunen fekk sjukefråværet ned frå over 11 prosent, med arbeidsmiljøet som inngang og «leiar før legar» som slagord. Han fortel òg om arbeidet med å få helse og oppvekst til å stå saman rundt barn og unge som treng det. Les artikkelen: https://www.kommunalsektor.no/artiklar/leiar-for-legar

Trude Andresen - Utvikle seg ut, ikkje kutte seg ut

33 min

Trude Andresen meiner kommunane må utvikle seg ut av utfordringane som kjem. Ho har vore kommunedirektør i Øvre Eiker, Indre Østfold og Drammen, og har arbeidd tolv år i KS. I samtalen fortel ho om mellomleiarane som omset retninga frå toppen til ein kvardag folk kan gjere noko med, og om kvifor ho har sagt til leiarane sine at det er heilskapen som tel i budsjettet. Ho deler òg dei tre dilemmaa ho meiner er vanskelegast for kommunane no: langsiktigheit, mot og kompromiss. Les artikkelen «Me må utvikle oss ut av utfordringane» på KommunalSektor.no.

Similar podcasts

All episodes

Erlend Grimeland og Elias Bjørnson Olderbakk - Ei alternativ rute

1 hr 1 min

Erlend Grimeland og Elias Bjørnson Olderbakk meiner kommunen får vite meir når det er like lett å seie meininga si som å vippse. Dei er designarar og starta Travers i 2020, rett etter studia på AHO. I samtalen fortel dei korleis dei arbeider tett på dei det gjeld, og korleis verktøyet Aula voks fram frå masteroppgåva deira. Dei fortel òg om eit byromsprosjekt i Ålesund, der det kom over 300 innspel via QR-kodar og berre 3 prosent var negative. Les artikkelen: https://www.kommunalsektor.no/artiklar/like-lett-som-a-vippse

Bjarte Reve - Frå sjukefråvær til leiing på tvers

38 min

Bjarte Reve meiner sjukefråvær og samarbeid på tvers må inn i den daglege arbeidsmåten i kommunen. Han er kommunedirektør i Hemsedal, ein distriktskommune i vekst med 2 738 innbyggjarar og opp mot 30 000 menneske i bygda ei god vinterhelg. I samtalen fortel han korleis kommunen fekk sjukefråværet ned frå over 11 prosent, med arbeidsmiljøet som inngang og «leiar før legar» som slagord. Han fortel òg om arbeidet med å få helse og oppvekst til å stå saman rundt barn og unge som treng det. Les artikkelen: https://www.kommunalsektor.no/artiklar/leiar-for-legar

Trude Andresen - Utvikle seg ut, ikkje kutte seg ut

33 min

Trude Andresen meiner kommunane må utvikle seg ut av utfordringane som kjem. Ho har vore kommunedirektør i Øvre Eiker, Indre Østfold og Drammen, og har arbeidd tolv år i KS. I samtalen fortel ho om mellomleiarane som omset retninga frå toppen til ein kvardag folk kan gjere noko med, og om kvifor ho har sagt til leiarane sine at det er heilskapen som tel i budsjettet. Ho deler òg dei tre dilemmaa ho meiner er vanskelegast for kommunane no: langsiktigheit, mot og kompromiss. Les artikkelen «Me må utvikle oss ut av utfordringane» på KommunalSektor.no.

Svein Gunnar Kjøde - Sjå systemet før du løyser problemet

55 min

Når nokon i ein kommune vil prøve noko nytt, må dei greie ut risikoen. Svein Gunnar Kjøde meiner same kravet bør gjelde for å halde fram som før. Svein Gunnar er seniorrådgjevar i Doga, i avdelinga for offentlege system og tenester. Han er utdanna industridesignar og har ein doktorgrad om systemendring. I samtalen fortel han korleis endring på systemnivå kan starte med ei lita gruppe som spør: Må det vere slik, eller har me valt det? Han meiner kunnskapen ofte finst hos dei som står nærast oppgåvene, og at forsøkslova burde bli eit mandat om tid til forsøk i kommunane. Les artikkelen «Kva kostar det å halde fram som før?» på KommunalSektor.no.

Mette Aagaard - Medleiing: når makt og mandat blir delt på ordentleg

34 min

Mette Aagaard har arbeidd med medleiing i ti år, mellom anna som utviklingssjef i Slagelse kommune, og har skrive boka «Medledelse – Når teamet er chef». I dag er ho konsulent i Agora. I denne samtalen fortel ho kva som skjer når makt og mandat blir delt på ordentleg: kva som skjer med leiaren, kvifor dei tillitsvalde må vere med frå start, og kvifor det er det eksisterande hierarkiet som må endre hierarkiet. Undervegs høyrer du korleis Børns Vilkår, Roskilde Festival og ein stor dansk utdanningsinstitusjon har gått fram. Mette snakkar dansk. Les artikkelen «Det er hierarkiet som må endre hierarkiet» på KommunalSektor.no.

Agnar Kaarbø og Jakob Blom - Det er håp for kommunane

35 min

Agnar Kaarbø og Jakob Blom driv podcasten Kontrollutvalget i regi av Kommunal Rapport. Få - om nokon - kjenner kommunsektoren like godt som desse to, og dei har i tillegg lukkast med å gjere kommunestoff engasjerande, interessant og spennande. I denne samtalen spør me dei om kva dei trur om dei mange utfordringane som vert diskutert rundt kommunal sektor, om NOU-ar, lokalpolitikk, krysspress og demokratiet i stort. Og til slutt: litt om det som gir håp og framtidstru. Det skal godt gjerast å ikkje lære noko her. Les meir om episoden på KommunalSektor.no, og lytt til Kontrollutvalet der du høyrer på podcast.

Andreas Wettre - Å leie det du ikkje kan styre

1 hr 1 min

Andreas Wettre leier Executive Master Systems Oriented Design ved Arkitektur- og designhøgskolen i Oslo, og har vore involvert i organisasjons- og leiarutvikling lenge: leiar i tekniske bedrifter, konsulent på leiargrupper og tverrfaglege team, og no systemorientert design. Denne praten handlar om kva som skjer med leiing når problema er samanvevde og ingen sit med heile svaret – og kva kommunar kan gjere med det i ein hektisk kvardag. Les meir om episoden på KommunalSektor.no

Øyvind Henriksen - Nordre Follo ventar ikkje, dei skapar si eiga framtid

49 min

Dei fleste i kommune-Norge veit allereie kva som kjem. Fleire eldre, færre hender og budsjett som ikkje strekk til. Problemforståinga er på plass nesten overalt. Det som manglar er handling. Nordre Follo er ein av kommunane som gjer ganske mykje. Og det dei gjer, er ikkje å skrive endå ein strategi, men å prøve – i vanleg drift, i liten skala, saman med dei som vil – og så dele det dei lærer med kvarandre. Lærdomen er enklare enn ein skulle tru: begynn med noko konkret, og lær av dei som har gått føre. Les meir her: Nordre Follo planlegg seg ikkje ut av framtida. Dei prøver seg fram — KommunalSektor

Bjarte Bogsnes - Når budsjettet slepp taket (om Beyond Budgeting og kommunal sektor)

45 min

Kva skjer når budsjettet slepp taket? Alle i kommunen veit at tala er feil. Likevel brukar leiinga veker kvart år på å forsvare dei. Bjarte Bogsnes er den internasjonale frontfiguren for Beyond Budgeting og forfattar av This Is Beyond Budgeting og Implementing Beyond Budgeting. Han var nøkkelpersonen bak den nye styringsmodellen i Statoil og kjenner til minste detalj kva som faktisk skjer når ein organisasjon tør å gjere det annleis. Han er den første gjesten i Samfunnsoppdraget. I denne episoden snakkar Helle og Joakim med Bjarte om kvifor det tradisjonelle budsjettet skapar problem for kommunane, kva Beyond Budgeting eigentleg er, og kvar ein startar. Dei kjem særleg inn på det offentlege dilemmaet: Kva er mogleg i ein organisasjon med politisk styring, lovkrav og øyremerka midlar? Les meir og finn vegen til meir inspirasjon her: Kan kommune-Noreg kaste budsjetta? — KommunalSektor

Velkommen til Samfunnsoppdraget!

4 min

Velkommen til Samfunnsoppdraget, ein podcast for deling, læring og inspirasjon som ein del av KommunalSektor.no. Her møter du gjestar som delar sin kunnskap, sine perspektiv og sine synspunkt på kva som kan vere nyttig lærdom for kommunane i ei tid som krev meir nytenking, læring og deling enn nokon gang før. I denne episoden ynskjer me velkommen til podcasten, og håpar du vil følgje den framover.

–

0 ratings from members

5
4
3
2
1

Rate this podcast

Log in to rate and review the shows you listen to.

No reviews yet — be the first member to rate "Samfunnsoppdraget".

This podcast, its content and its artwork are not owned by, affiliated with, or endorsed by Castquire.

Keep listening

Discover more podcasts like this.

Browse podcasts See the charts

Up next

  1. Nothing queued. Use + Queue on any episode to line it up.

0:00 0:00

Cookies

We set only what the site needs to sign you in and remember your theme. No advertising, no analytics. Read more.