Skip to content
Spektrum cover art

RSG

Spektrum

A News podcast

Good podcast? Give it some love!

About the show

Die Spektrumspan hou jou op hoogte met die jongste plaaslike en internasionale nuusgebeure.

Newest episodes

Spektrum: SAOG waarsku oor hernude stryd teen MIV, TB en malaria

48 min

13 November 2026: Die Onafhanklike Verkiesingskommissie publiseer vandag die name van raadslede wat as verkies verklaar is. Sowat 150 000 aansoeke vir polisierekruut-poste is sedert Oktober deur die polisie se werwingseenheid ontvang. Waak teen politici se mooi praatjies oor kernkrag, waarsku 'n kenner.

Spektrum: Riglyne om bestendige koalisieregerings te bevorder

46 min

12 November 2026: Die regering reik riglyne uit om meer bestendige koalisieregerings in munisipaliteite te bevorder. Die ANC se Nasionale Uitvoerende Komitee vergader om die uitslae van die pas afgelope verkiesing te bespreek. Groot dele van Johannesburg is steeds sonder krag ná twee ontploffings by die Mayfair-substasie.

Similar podcasts

All episodes

The newest 50 of 2,000 episodes

Spektrum: SAOG waarsku oor hernude stryd teen MIV, TB en malaria

48 min

13 November 2026: Die Onafhanklike Verkiesingskommissie publiseer vandag die name van raadslede wat as verkies verklaar is. Sowat 150 000 aansoeke vir polisierekruut-poste is sedert Oktober deur die polisie se werwingseenheid ontvang. Waak teen politici se mooi praatjies oor kernkrag, waarsku 'n kenner.

Spektrum: Riglyne om bestendige koalisieregerings te bevorder

46 min

12 November 2026: Die regering reik riglyne uit om meer bestendige koalisieregerings in munisipaliteite te bevorder. Die ANC se Nasionale Uitvoerende Komitee vergader om die uitslae van die pas afgelope verkiesing te bespreek. Groot dele van Johannesburg is steeds sonder krag ná twee ontploffings by die Mayfair-substasie.

Spektrum: Minister van Elektrisiteit ondersoek moontlikheid van laer kragpryse

48 min

11 November 2026: Politieke partye stel hulle voorwaardes namate onderhandelinge oor die vorming van nuwe plaaslike regerings begin. Spanning tussen die taxi-organisasies, CATA en Codeta, in die Wes-Kaap loop steeds hoog ondanks mediasiegesprekke. Die minister van elektrisiteit en energie, dr. Kgosientsho Ramokgopa, sê hy ondersoek die moontlikheid om kragpryse goedkoper te maak.

Spektrum: Matriekeksamen-knoeiery in Wes-Kaap

51 min

10 November 2026: Matriekeksamen-knoeiery steek kop uit in die Wes-Kaap. Vusimuzi Cat Matlala sit sy getuienis by die Madlanga-kommissie voort. Skietvoorvalle en -sterftes duur voort in Westbury aan Gauteng se Wes-Rand, ondanks polisie-ingryping en die ontplooiing van die Weermag.

Spektrum: ANC in Oos-Kaap sê hulle moet selfondersoek doen

50 min

9 November 2026: Die ANC in die Oos-Kaap sê dit is tyd dat dié party selfondersoek doen nadat hy sy meerderheidstem in nege munisipaliteite verloor. Intussen is koalisegesprekke regoor die land in volle swang. Munisipale bestuurders het nou 14 dae om nuwe raadsaanstellings te doen. Die Madlangakommissie van Ondersoek se openbare sittings word vandag hervat.

Spektrum: Koalisiepolitiek kry nuwe momentum

51 min

6 November 2026: Koalisiepolitiek kry nuwe momentum namate die ANC steun verloor. Suid-Afrika se verkiesingsuitslae is onder die vergrootglas van internasionale kredietgraderingsagentskappe. Graan SA se dringende interdikaansoek teen die JSE word vandag aangehoor.

Spektrum: Die rand versterk, en die olieprys daal

50 min

5 November 2026: Uitslae van die plaaslike regeringsverkiesings stroom van oral in. Ons praat met verslaggewers, die Verkiesingskommissie en politici. Die rand styg, en die olieprys daal.

Spektrum: Kan ons 'n hoër kieseropkoms by die stembus verwag?

50 min

4 November 2026: Kiesers trek hulle kruisies in die plaaslike regeringsverkiesing. Kan ons 'n hoër kieseropkoms by die stembus verwag? Vroeë aanduidings is dat die Demokrate 'n meerderheid in die Amerikaanse Kongres sal hê.

Spektrum: Dag 1 van spesiale stemme

53 min

2 November 2026: Die polisie word geloof vir die vastrek van verdagtes betrokke by die aanval op die boer, Donovan Marx. Spesiale stemme word landwyd uitgebring. Die polisie sê geweld sal nie tydens die verkiesing geduld word nie.

Spektrum: Die OVK se gereedheid vir die plaaslike regeringsverkiesing

48 min

30 Oktober 2026: Ons praat met die OVK oor hulle gereedheid vir volgende week se plaaslike regeringsverkiesing. March and March, die MK Party en die ATM skop vas teen 'n permanente interdik teen protesoptrede. Parlementslede kritiseer die regering oor die laat kennisgewing van die ontplooiing van meer as 500 soldate na KwaZulu-Natal.

Spektrum: Reaksie op wrede plaasaanval in Noordwes

42 min

29 Oktober 2026: Reaksie op 'n wrede plaasaanval in Noordwes. Drie Wes-Kaapse onderwysers getug oor hulle gedrag op sosiale media. Benjamin Netanyahu loop effens voor in Israel se verkiesing.

Spektrum: Johannesburg se watervoorsiening deur staking geraak

48 min

28 Oktober 2026: Watervoorsiening in Johannesburg geraak deur munisipale werkers se staking. Die polisie ontvang meer as 172 000 voltooide aansoeke vir 5 500 rekruutposte. 'n Gemeenskapsparty, Langeberg First, wil aanspreeklikheid in plaaslike regering bevorder.

Spektrum: Benjamin Netanyahu veg om politieke oorlewing

50 min

27 Oktober 2026: Die aantal mense wat siek geword het weens die besoedelde water in Bronkhorstspruit styg tot 833, waaronder 328 kinders. Nog 15 maatskappye word van die regering se lys van goedgekeurde kontrakteurs verwyder. AgriSA verwelkom die regering se tydelike brandstofverligting van R10 miljard.

Spektrum: Eugene de Kock getuig voor die WVK-ondersoekkommissie

51 min

26 Oktober 2026: Eugene de Kock, een van baie min mense wat ooit aan apartheidsmisdade skuldig bevind is, getuig voor die WVK-ondersoek. Bronkhorstspruit se water word 'n politieke voetbal in Tshwane op die vooraand van die munisipale verkiesing. Waterprobleme eis sy tol van die ekonomie.

Spektrum: MK-party skop sekretaris-generaal uit

51 min

23 Oktober 2026: Die MK-party skop sy sekretaris-generaal uit. Die Openbare Beskermer las 'n ondersoek na die Bronkhorstspruit-waterkrisis. Die polisie in Durban verskerp sy sigbaarheid nadat 'n groep mense 'n buitelandse burger doodslaan.

Spektrum: Ongeloof oor onderwysdepartement se R630 miljoen onderspandering

51 min

22 Oktober 2026: Ongeloof dat die nasionale onderwysdepartement R630 miljoen onderspandeer het. Ons praat met 'n ekonoom oor hoe November se brandstofpryse behoort te lyk ná gister se verligting. Die Suid-Afrikaanse regering maak groot vordering in die hantering van sy skuldlas.

Spektrum: Oortree Gayton McKenzie verkiesingsgedragskode?

50 min

21 Oktober 2026: Oortree die PA se Gayton McKenzie die verkiesingsgedragskode? Motoriste hoop dat vanmiddag se minibegroting verligting by die brandstofpomp sal gee. Haai-aanvalle in die kollig ná gister se noodlottige voorval.

Spektrum: Ondersoek na beweerde versuim deur Tshwane-amptenare om chloor in drinkwater te gooi

49 min

20 Oktober 2026: 'n Ondersoek begin na die beweerde versuim deur Tshwane-amptenare om chloor in die drinkwater te gooi. Sowat 400 mense in Bronkhorstspruit het maagdermontsteking ontwikkel. 'n Polisie-generaal verskyn in die hof op aanklagte van die onwettige besit van ammunisie. Moontlike verligting vir motoriste oor die hoë brandstofprys in môre se mini-begroting.

Spektrum: Vier nuwe gevalle van a-pokke in SA

53 min

19 Oktober 2026: Oudpresident Thabo Mbeki beskryf die ooreenkomste wat tussen die ANC en die apartheidsregering bereik is as 'n legkaart. Die nasionale polisiekommissaris, generaal Fannie Masemola, is terug op kantoor. Vier nuwe a-pokke-gevalle word in Suid-Afrika bevestig, wat die totaal sedert Januarie vanjaar op 26 te staan bring.

Spektrum: Kommer oor ernstige kinderwanvoeding in Oos-Kaap

46 min

16 Oktober 2026: Kommer oor ernstige voedselonsekerheid en wanvoeding onder kinders in die Oos-Kaap. 'n Waarskuwing dat Suid-Afrikaners aansienlik meer kan opdok vir hoender wat van Europa ingevoer word. Die Inkomstediens reageer op klagtes dat terugbetalings vanjaar langer as gewoonlik neem.

Spektrum: Verkiesingsdebat - Mangaung

51 min

15 Oktober 2026: Die Mangaung-metro in Bloemfontein in die Vrystaat is in die nuus oor die ANC se kanidaatslyste wat nie betyds ingedien is voor die OVK se spertyd nie. Die Konstitusionele hof het pas uitspraak gelewer in die ANC se aansoek dat 181 van sy kandidate se name wél op die kieserslys vir die plaaslike regeringsverkiesing op 4 November kan verskyn. Die hof het beslis dat die ANC dié kandidate op die party se kieserslys mag hê. Daar was trane van blydskap van die ANC se sekretaris-generaal, Fikile Mbalula. Hy het ná die uitspraak gesê hy het gewonder of hy uit sy posisie moet tree. Terwyl Mbalula die konferensie teogespreek het, het hy inmekaar gesak. Die Mangaung-metro word direk hierdeur geraak, want die ANC se proporsionele kandidate sou uitgesluit gewees het as die hof anders besluit het. Die helfte van die setels in die Mangaung-raad is proporsioneel, en al agt ANC-burgemeesterskandidate is op die party se proporsionele lys. Die Mangaung-metro sluit Bloemfontein in, en die dorpe Botshabelo, Thaba Nchu, Dewetsdorp, Soutpan, Van Stadensrus en Wepener. Die gaste is Werner Pretorius (DA-burgemeesterskandidaat), Logan Kruger (ANC-raadslid), Sophia Swartz (Patriotic Alliance se burgemeesterskandidaat) en professor Elizabeth Snyman-Van Deventer (Vryheidsfront Plus se koukusleier en burgemeesterskandidaat).

Spektrum: Zuma laat vaar appèl in korrupsiesaak

49 min

14 Oktober 2026: Oudpresident Jacob Zuma laat vaar sy appèl in sy korrupsiesaak. Die jongste Suid-Afrikaanse Voedselsekerheidsindeks wys dat al hoe minder families voedsame voedsel kan bekostig. Agri SA hou sy jaarlikse kongres midde 'n moeilike jaar vir boere.

Spektrum: Shadrack Sibiya se borgtogaansoek in verkragtingsaak uitgestel

50 min

13 Oktober 2026: Regstreeks vanaf die Suider-Afrika Telekommunikasie Netwerke en Toepassingskonferensie in die Darkensberg. Ons kyk na Die toekoms van digitale kommunikasie en die rol van kunsmatige intelligensie. Die voormalige adjunkpolisiehoof Shadrack Sibiya se borgtogaansoek in sy verkragtingsaak tot môre uitgestel. Meer as 960 000 matrikulante begin landwyd met hulle eindeksamen.

Spektrum: ANC in Konstitusionele Hof om 181 raadslede op stembrief te kry

50 min

12 Oktober 2026: Die ANC wend hom tot die Konstitusionele Hof in 'n poging om 181 raadslede op die stembrief te kry. Ons praat met 'n politieke kenner oor wie die MK-leisels sal vashou terwyl Jacob Zuma siek is. Die Aussies het die hef in die hand teen die Proteas in Durban.

Spektrum: Kan ’n vierdag-werkweek tot gesonder personeel lei?

51 min

9 Oktober 2026: Die departement van binnelandse sake trek sy direktief oor die aanvaarding van asielaansoeke terug. Kan ’n vierdag-werkweek tot gesonder personeel lei? Bendegeweld op die Kaapse Vlakte is onder die vegrootglas. Wat is die ware braaibroodjie?

Spektrum: Ontvanger wil belasting op die taxibedryf hef.

52 min

8 Oktober 2026: Die Inkomstediens wil belasting op die taxibedryf hef. Oud-weermaglede is onseker of hulle private mediese dekking van November af sal hê. Kan voorgeskrewe brande gemeenskappe teen veldbrande beskerm? Springbok kry sy eie boeremark.

Spektrum: Verkiesingsdebat - Stellenbosch

52 min

Regstreekse uitsending van die RSG Nuus en Aktualiteits-verkiesingsdebat vir die Stellenbosch-munisipaliteit. Die ANC (Jerimia Thuynsma), DA (Jeremy Frasser), Good ( Marius van Stade), VF+ (JC Macfarlane) en die EFF (Carl Niehaus) sal Suzanne Paxton te woord staan oor verkiesingsbrandpunte.

Spektrum: Hoekom vaar sommige munisipaliteite beter as ander?

53 min

6 Oktober 2026: Hoekom vaar sommige munisipaliteite beter as ander? Ons stel dié vraag aan 'n regeerkundige. Ons fokus op die val van Steinhoff. Dr. Allan Boesak se nalatenskap word in 'n nuwe boek vervat. Wyntoerisme se bydrae tot die ekonomie is onder die vergrootglas.

Spektrum: Duisende in Tshwane steeds kragloos

54 min

5 Oktober 2026: Duisende inwoners in die Tshwane-metro is steeds sonder krag. Miljoene onderwysers wêreldwyd teen 2030 benodig. Het die verbod op selfone in die klaskamer 'n positiewe uitwerking op leerlinge se akademiese prestasie? Die Stellenbosch Wynroete vier sy 55ste bestaansjaar.

Spektrum: Voertuigverkope breek deur 60 000-kerf

51 min

2 Oktober 2026: Nuwe navorsing wys dat werkloses wat die toelae van R370 ontvang, nie ontmoedig word om werk te soek nie. Voertuigverkope breek in September vir die eerste keer in jare deur die 60 000-kerf. Hoekom is 'n konferensie oor kunsaktivisme vandag relevant? Ons praat met 'n dramaturg en rolprentmaker.

Spektrum: Nuwe klag teen Shadrach Sibiya

49 min

1 Oktober 2026: 'n Nuwe klag van die oortreding van die Vuurwapenbeheerwet word by die geskorste adjunk-polisiekommisaris, Shadrach Sibiya, se klagstaat gevoeg. Al hoe meer stemme gaan op dat die nasionale polisiekommissaris, generaal Fannie Masemola, in sy amp herstel word. Cosatu sê R10-miljard moet uit die staatskas vir brandstofprysverligting bewillig word.

Spektrum: Stropers teiken die hoogsbedreigde Kaapse Hertkewer

51 min

29 September 2026: 'n Aanbod is aan perskeboere gemaak wat deur die sluiting van die Tulbagh-inmaakfabriek geraak word. Demensie-gevalle in Suid-Afrika sal na verwagting skerp toeneem teen 2050. Stropers teiken nou ook die hoogsbedreigde Kaapse Hertkewer.

Spektrum: Groeiende tekort aan noodsaaklike medisyne

49 min

28 September 2026: Die Madlanga-kommissie gaan strafregtelike klagte teen die voormalige adjunkhoof van misdaadintelligensie, Feroz Khan, lê. Drie Artikel 9-instellings begin met 'n ondersoek na geslagsgeweld. Daar is 'n groeiende tekort aan noodsaaklike medisyne in die openbare en private sektors.

Spektrum: Hofgeding oor vier partye se proporsionele kandidaatlyste

48 min

24 September 2026: ‘n Hofgeding om vier partye se proporsionele kandidaatlyste onwettig te laat verklaar. Ons bekyk 'n taal wat diep in die geskiedenis en identiteit van Kaapstad verweef is, Afrikaaps of Kaaps. Amerika en Iran hervat vredesonderhandelinge.

Spektrum: ANC na Konstitusionele Hof oor kandidatelyste

45 min

23 September 2026: By die Madlanga-kommissie veg die taxibaas, Bafana Sindane, om sy getuienis te stop. Die ANC besluit om die kwessie oor sy kandidatelys na die Konstitusionele Hof te neem. Die massaskietvoorval in KwaZulu-Natal is moontlik bendeverwant.

Spektrum: Die jongste oor bek-en-klouseer

51 min

22 September 2026: Die jongste nuus oor die vordering in die stryd teen bek-en-klouseer. 'n Senior beampte van die polisiediens verskyn in die hof op aanklagte wat verband hou met seksuele oortredings. Hoe groot 'n bedreiging is die Withuis se nuwe Trump TV-kanaal vir onafhanklike joernalistiek?

Spektrum: 'n Vrou word elke 20 minute in SA verkrag

48 min

21 September 2026: Volgens die jongste misdaadstatistiek word 'n vrou elke 20 minute in Suid-Afrika verkrag - ons vra wat loop skeef? Kiesers kan van vandag af vir spesiale stemme registreer. Die ANC se versuim om kandidate op die proporsionele verteenwoordiging-stembrief in Mangaung te plaas, kan 'n omwenteling by die stembus beteken.

Spektrum: Wat beteken konstitutionele hof se uitspraak oor Wet op Openbare Verkryging?

51 min

18 September 2026: Die voorsitter van die Staatsdienskommissie sê by die Madlanga-kommissie dat staatsamptenare op papier aan openbaarmakingsvereistes voldoen, maar in werlikheid betekenisvolle en noukeurige ondersoek vermy. Ons bekyk die konstitutionele hof se uitspraak oor die Wet op Openbare Verkryging van 2024. Inwoners van Lerato Park in Kimberley ontvang huise en titelaktes.

Spektrum: Publiek se samewerking gevra ná negende vroueliggaam aan Oos-Rand gevind is

48 min

17 September 2026: Die publiek se samewerking gevra nadat 'n negende vrou se liggaam aan Gauteng se Oos-Rand gevind is. 'n Petisie vra die parlement om die Gautengse departement van onderwys onder administrasie te plaas. Die Amerikaanse Reserwebank verhoog sy repokoers vir die eerste keer in drie jaar - wat beteken dit vir Suid-Afrika?

Spektrum: Tshwane-verkiesingsdebat

55 min

President Cyril Ramaphosa het 4 November as 'n openbare vakansiedag verklaar, want dit is die dag wat Suid-Afrikaners na die stembus toe gaan om te stem vir leiers in hulle munisipaliteite. Dit is seker die een verkiesing waar jou stem op voetsoolvlak 'n impak sal maak, omdat jy toegang het tot die raadslede en die party in jou wyk. Dit maak die verkiesing dus baie belangrik. Ons praat met 'n paar van die grootste partye in die Tshwane Metro. Op ons paneel is Hannes Coetzee van Action SA en 'n burgemeesterskomiteelid, Willie Spies, die burgemeesterkandidaat van die VF Plus, Cilliers Brink, die DA se burgermeesterkandidaat, en dr. Kgoši Maepa van die ANC.

Spektrum: Sesde liggaam van 'n vrou in Ekurhuleni gevind

50 min

15 September 2026: 'n Sesde liggaam van 'n vrou word in Ekurhuleni gevind, die keer in KwaThema in Springs. Die ANC se besware oor sy kandidaatlyste wat laat ingedien is, word in die hof aangehoor. Die Madlanga-kommissie hoor getuienis aan oor die infiltrasie van die Johannesbur Metropolisie.

Spektrum: Liggaam van vyde vrou in Kemptonpark gevind

48 min

14 September 2026: Forensiese kundiges van die polisie is op die toneel in Kemptonpark waar ‘n vyfde lyk van ’n vrou gevind is. 'n Gru-ongeluk in die Karoo waarin twee minibustaxis en 'n motor betrokke is, eis die lewens van 21 mense. Cosatu oorweeg wigtige sake by sy 15de kongres in aanloop tot November se plaaslike regeringsverkiesings.

Spektrum: Ses Nigeriërs aan VSA uitgelewer

48 min

11 September 2026: Ses Nigeriërs wat glo met 'n R100 miljoen bedrogspul verbind word, word aan Amerika uitgelewer. Suid-Afrikaanse kersieprodusente kry vir die eerste keer toegang tot die Chinese mark. Nampo Kaap bewys sy gewildheid onder boere.

Spektrum: Jacob Zuma maak weer groot veranderings in MK-party

52 min

10 September 2026: Die DA dien hofdokumente in om 'n party van belang te wees in die ANC se saak teen die OVK. MK-president Jacob Zuma maak vir die tweede keer in ses week groot verskuiwings aan die partyleierskap. Swak dienslewering kan dorpe wat op toerisme staatmaak, benadeel.

Spektrum: Belgiese Herdershond by polisiekademie beseer, uitgesit

51 min

9 September: Ekurhuleni se vroeë kinder-ontwikkelingsprogram van R57 miljoen in die kollig weens ernstige uitdagings. 'n Ondersoek nadat 'n afgetrede polisiehond erg beseer is by ’n polisieakademie, en uitgesit moes word. Die aansoekdatums vir spesiale stemme is bekend.

Spektrum: ANC sleep OVK hof toe

53 min

8 September 2026: Suid-Afrika se ekonomie krimp in die tweede helfte van die jaar. Die ANC sleep die Verkiesingskommissie kieshof toe oor die indien van sy kandidaatlyste. Ladingsvermindering is amptelik in sewe provinsies beëindig.

See all 200 episodes

–

0 ratings from members

5
4
3
2
1

Rate this podcast

Log in to rate and review the shows you listen to.

No reviews yet — be the first member to rate "Spektrum".

This podcast, its content and its artwork are not owned by, affiliated with, or endorsed by Castquire.

Keep listening

Discover more podcasts like this.

Up next

  1. Nothing queued. Use + Queue on any episode to line it up.

0:00 0:00